Палажэнне аб літаратурным конкурсе “Скарынавай душой узлашчанае слова”, прысвечаным 500-годдзю беларускага кнігадрукавання

Палажэнне аб літаратурным конкурсе “Скарынавай душой узлашчанае слова”, прысвечаным 500-годдзю беларускага кнігадрукавання 12.05.2017 22:33

ПАЛАЖЭННЕ 

аб літаратурным конкурсе “Скарынавай душой узлашчанае слова”, прысвечаным 500-годдзю беларускага кнігадрукавання

Конкурс “Скарынавай душой узлашчанае слова” праводзіцца грамадскім аб’яднаннем “Саюз пісьменнікаў Беларусі” з мэтаю выяўлення літаратурна-творчых талентаў навучэнцкай моладзі і падтрымкі маладых літаратараў Беларусі, прыцягнення ўвагі грамадскасці да асобы беларускага першадрукара Францыска Скарыны, значнасці яго неацэннага ўкладу ў развіццё культуры і духоўнасці беларусаў і ўсіх усходніх славян.

Конкурсныя работы павінны быць выдрукаваны на адной старонцы папяровага ліста (фармат – А-4). Агульны аб’ём работы не павінен перавышаць 5 (пяці) лістоў фармату А-4.
          На тытульным лісце неабходна ўказаць: 
- прозвішча, імя, імя па бацьку; 
- дату нараджэння; 
- месца працы або вучобы; 
- адрас для перапіскі; 
- нумары кантактных тэлефонаў; 
- е-mail (калі ёсць). 
         Журы, у склад якога ўваходзяць вядомыя пісьменнікі, вучоныя-філолагі, літаратурныя крытыкі, выдаўцы і грамадскія дзеячы, вызначыць лепшыя творчыя работы. 
         Пераможцы ўзнагароджваюцца дыпломамі і прызамі. Лепшыя творы (проза, паэзія, эсэ, драматургія, казкі і інш.) будуць надрукаваны ў літаратурных выданнях Беларусі. Тэматыка – неабмежаваная.

Конкурсныя работы дасылаюцца да 15 мая 2017 года на адрас: 220034, г.Мінск, вул. Фрунзе, 5, Саюз пісьменнікаў Беларусі, з паметкай “На конкурс”, або на эл. адрасы: oo-spb@tut.by, akrejdzich@yandex.by. 
Вынікі конкурсу будуць падведзены да 1 ліпеня 2017 года. 

Колькасць месцаў: 6 (1 - першае, 2 - другіх, 3 - трэціх).
Работы, дасланыя пасля ўказанага тэрміну, не разглядаюцца. 
          Дасланыя матэрыялы не рэцэнзуюцца і не вяртаюцца. 

СПБ