« Назад
23.09.2015 12:17
Прэзідэнт павінен накіраваць сваю дзейнасць на стварэнне ўмоў для павышэння ўзроўню і якасці жыцця грамадзян Беларусі. Гэта можа быць зроблена толькі на аснове эфектыўнай эканомікі. Пазітыўныя перамены немагчымыя без правядзення глыбокіх палітычных рэформаў.
Сацыяльная палітыка: клопат пра людзей і сацыяльная справядлівасць
Галоўным прынцыпам сацыяльнай палітыкі павінен стаць прынцып роўных магчымасцяў, заснаваны на сацыяльнай салідарнасці моцных і слабых.
У сацыяльнай сферы неабходна вярнуцца да ўжо задэклараваных у Канстытуцыі гарантый і ажыццявіць шэраг рэформаў:
Медыцына - забяспечыць доступ усіх грамадзян да бясплатнага якаснага медыцынскага абслугоўвання ў дзяржаўных медыцынскіх установах пры паралельным развіцці сістэмы страхавой і прыватнай медыцыны.
Адукацыя - павялічыць інвестыцыі ў адукацыю, якія накіраваць на павелічэнне заробкаў выкладчыкаў і абнаўленне матэрыяльна-тэхнічнай базы школ і ўніверсітэтаў. Забяспечыць пераемнасць розных узроўняў адукацыі, звязаць іх з рынкам працы. Павысіць сацыяльны статус выкладчыкаў. Вызваліць настаўнікаў ад лішняй адміністрацыйнай і ідэалагічнай нагрузкі. Развіваць дыстанцыйную вышэйшую адукацыю. Размеркаванне павінна быць па жаданні. Адмяніць плату за навучанне ў дзяржаўных навучальных установах з той прычыны, што такая плата супярэчыць Канстытуцыі.
Пенсійнае забеспячэнне - правесці пенсійную рэформу без павышэння пенсійнага ўзросту. Распрацаваць сістэму накапляльных пенсій, дадатковага пенсійнага страхавання, развіваць прыватныя пенсійныя фонды разам з дзяржаўнымі.
Адрасная дапамога - распрацаваць эфектыўную сістэму адрасных грашовых выплат: шматдзетным сем'ям, беспрацоўным, грамадзянам з абмежаванымі магчымасцямі; у тым ліку на праезд у грамадскім транспарце і камунальныя плацяжы. Пашырыць удзел грамадскіх арганізацый у ажыццяўленні сацыяльнай дапамогі насельніцтву праз дзяржаўны заказ.
Рэформа працоўных узаемаадносін - перагледзець кантрактную сістэму найму на працу, адмяніць паборы дзяржавы з грамадзян, якія страцілі працу ў выніку эканамічнага крызісу. Аказаць дапамогу ў набыцці новай спецыяльнасці і ў адкрыцці ўласнай справы.
Пераадоленне наступстваў Чарнобыльскай катастрофы - аднавіць “чарнобыльскія праграмы" ў поўным аб'ёме. Стварыць эфектыўную сістэму медыцынскага абследавання пацярпелага насельніцтва з ужываннем сучасных методык і абсталявання.
Дапамога сем'ям - аказваць падтрымку сем'ям, садзейнічаць прадпрымальніцкай дзейнасці сем'яў. Падтрымаць будаўніцтва жылля ў рэгіёнах для маладых сем'яў і маладых спецыялістаў, у першую чаргу - індывідуальных жылых дамоў на ўласным зямельным участку.
Партнёрства дзяржавы і бізнесу - распрацаваць сістэму падтрымкі сацыяльна адказнага бізнесу, стымуляваць інвестыцыі працадаўцы ў сістэму сацыяльнай абароны работнікаў свайго прадпрыемства. Увесці падатковыя льготы за спонсарскую падтрымку сацыяльных праектаў.
Эканамічнае абнаўленне: развіццё дзелавой ініцыятывы і прыцягненне інвестыцый
Асновай павышэння ўзроўню і якасці жыцця грамадзян можа стаць толькі эфектыўная эканоміка, якая развіваецца на аснове прынцыпаў і падыходаў, ужо рэалізаваных у паспяховых краінах.
Дзяржаўныя фінансы - забяспечыць незалежнасць Нацыянальнага банка, дамагчыся стабільнасці валюты і абароны ўкладаў, утаймаваць рост цэн, зрабіць даступнымі банкаўскія крэдыты, спыніць растрату дзяржаўных сродкаў па запытах галіновых лабістаў.
Прыцягненне інвестыцый і развіццё бізнес-асяроддзя - забяспечыць стабільнасць, празрыстасць сістэмы падаткаабкладання, пашыраць прымяненне спрошчанага падаткаабкладання. Прыняць Інвестыцыйны кодэкс. Адмяніць канфіскацыйныя меры ў дачыненні да бізнесу. Выключыць паняцце «незаконнае прадпрымальніцтва», правесці дэкрыміналізацыю эканамічных злачынстваў.
Мадэрнізацыя заводаў і прадпрыемстваў
Стварыць антыкрызісныя праграмы для праблемных заводаў, прыцягнуць пад іх інвестыцыі. Прыватызаваць нежыццяздольныя прадпрыемствы. Гарантаваць тым, хто трапіў пад скарачэнне, атрыманне новай прафесіі, забеспячэнне льготным крэдытам для адкрыцця сваёй справы або сацыяльнай падтрымкай у памеры 75% ад заробку на працягу 6 месяцаў.
Больш свабоды і ініцыятывы
Падтрымліваць ініцыятыву кіраўніцтва заводаў і прадпрыемстваў. Забраць у чыноўнікаў правы ўказваць, што і колькі вырабляць.
Развіццё інавацыйных сектараў эканомікі
Стварыць асяроддзе для развіцця канкурэнтаздольных галін - інфармацыйных тэхналогій, экалагічнага турызму, транзіту і лагістыкі, ваенна-прамысловага комплексу, альтэрнатыўнай энергетыкі, інжынірынгу, банкаўскіх паслуг.
Развіццё канкурэнцыі - забяспечыць роўную канкурэнцыю прадпрыемстваў усіх формаў уласнасці, што выкліча зніжэнне коштаў на тавары і паслугі.
Стварэнне працоўных месцаў, стымуляванне самазанятасці
Прыцягваць інвестыцыі і стымуляваць развіццё нацыянальнага бізнесу, якія будуць ствараць новыя працоўныя месцы.
Развіццё энергетычнага сектара - укараніць энергазберагальныя тэхналогіі і развіваць выкарыстанне аднаўляльных крыніц энергіі. Ажыццявіць мадэрнізацыю існуючых энергетычных магутнасцяў. Правесці рэвізію рашэння па АЭС аб неабходнасці яе будаўніцтва.
Сельская гаспадарка - рэфармаваць на аснове шматукладнасці, свабоднага развіцця ўсіх формаў уласнасці і стварэння рынку зямлі, падтрымаць развіццё фермерскіх гаспадарак.
Развіццё навукі - аднавіць згубленыя пазіцыі праз стымуляванне ўключэння ў сусветную навуковую кааперацыю і аказанне мэтавай дзяржаўнай падтрымкі эфектыўным распрацоўкам, прыцягнуць да падтрымкі даследаванняў зацікаўленыя прыватныя структуры.
Свабодны фінансавы рынак - выпусціць у свабоднае абарачэнне акцыі. Стварыць новыя магчымасці зберажэнняў, крэдытавання, інвестыцый для грамадзян і прадпрыемстваў, садзейнічаць зніжэнню крэдытнай працэнтнай стаўкі.
Развіццё малых і сярэдніх гарадоў - стымуляваць стварэнне новых заводаў і прадпрыемстваў у рэгіёнах. Павышэнне ўзроўню даходаў і развіццё іпатэкі павінны дазволіць сем'ям набываць уласнае жыллё ў сярэднім за пяць-шэсць гадоў.
Сучасная і эфектыўная дзяржава
Закон стане падмуркам беларускай дзяржавы. Роўнасць усіх перад законам і падзел уладаў зробіць Беларусь багатай і стабільнай краінай.
Канстытуцыйная рэформа - Беларусь павінна быць парламенцка-прэзідэнцкай рэспублікай. Адна і тая ж асоба не павінна займаць пасаду Прэзідэнта больш за два тэрміны. Скараціць паўнамоцтвы прэзідэнта, якія перашкаджаюць функцыянаванню асобных галін улады і эфектыўнай працы дзяржавы.
Рэформа сістэмы мясцовага самакіравання - падпісаць Еўрапейскую Хартыю мясцовага самакіравання. Увесці прамыя выбары мясцовых кіраўнікоў і зрабіць іх залежнымі ад грамадзян, а не ад чыноўнікаў з Цэнтра.
Незалежнасць судовай улады - забяспечыць незалежнасць судоў, выкараніць “тэлефоннае права”.
Эфектыўны дзяржапарат - аптымізаваць колькасць чыноўнікаў, падвысіўшы зарплаты. Адкрыты конкурс стане адзінай формай найму на дзяржаўныя пасады. Усе чыноўнікі на працягу 5 гадоў пройдуць стажыроўкі за мяжой для вывучэння лепшых практык.
Электронны ўрад - публікаваць у інтэрнэце бюджэты ўсіх узроўняў, зарплаты службоўцаў, рашэнні судоў, інфармацыю аб тэндарах, конкурсах на дзяржаўныя пасады. Пазбавіць грамадзян ад бясконцых даведак, пячатак, ліцэнзій. У новай Беларусі прадпрымальнікі змогуць рэгістраваць бізнэс праз інтэрнэт, кожны грамадзянін будзе атрымліваць пашпарт і іншыя дакументы за 15 хвілін.
Грамадзянская супольнасць - стварыць спрыяльныя ўмовы для развіцця некамерцыйных арганізацый, забяспечыць роўны доступ да дзяржаўнага фінансаванню праз удзел у тэндэрах і конкурсах нароўні з дзяржаўнымі.
Знешняя палітыка. Мірная Беларусь: адказнае суседства і нейтралітэт
Беларусь павінна будаваць раўнапраўныя і ўзаемавыгадныя адносіны як са сваімі суседзямі, так і з астатнімі краінамі свету. Знешняя палітыка павінна грунтавацца на нацыянальных інтарэсах і садзейнічаць міру і бяспецы ў нашым рэгіёне.
Сапраўдны нейтралітэт – на самай справе рэалізаваць шматвектарную знешнюю палітыку. Вывесці з краіны замежныя ваенныя базы і аб'екты. Беларусь не будзе ўваходзіць ні ў якія ваенныя блокі, якія могуць уцягнуць яе ва ўзброены канфлікт.
Адказнае суседства - выбудоўваць добрыя і ўзаемавыгадныя адносіны як з Захадам, так і з Усходам, няўхільна выконваючы ўзятыя на сябе міжнародныя абавязацельствы і патрабуючы гэтага ад нашых партнёраў. Заключыць з Еўрасаюзам дамову аб супрацоўніцтве і партнёрстве. Дамагчыся бязвізавага рэжыму з большасцю краін свету.
Рэгіянальная бяспека - садзейнічаць міру і бяспецы ў рэгіёне. Умацоўваць і мадэрнізаваць нашы ўзброеныя сілы.
Развіццё знешніх эканамічных стасункаў - уступіць у Сусветную гандлёвую арганізацыю, вярнуцца ў рэжым абагульненых прэферэнцый з ЕС, каб забяспечыць бесперашкодную рэалізацыю нашай прадукцыі. Выбудаваць гандлёвы шлях не толькі паміж Усходам і Захадам, але і ад «мора да мора» - паміж поўначчу і поўднем.
Адраджэнне нацыянальнай культуры - аснова беларускай дзяржаўнасці
Беларусь не стане стабільнай дзяржавай, калі не будзе грунтавацца на гістарычных і культурных традыцыях беларускага народа. Улада будзе адраджаць беларускую культуру і ўмацоўваць нацыянальную самасвядомасць як аснову беларускай дзяржаўнасці і нацыянальнай бяспекі.
Прыярытэтная падтрымка сферы культуры - усталяваць падатковыя льготы і стварыць умовы для свабоднай рэалізацыі ініцыятыў грамадзянскай супольнасці і бізнесу, накіраваных на развіццё беларускай культуры, мовы і нацыянальных каштоўнасцяў.
Падтрымка беларускай мовы - прыняць Закон аб дзяржаўнай падтрымцы беларускай мовы, адкрыць Нацыянальны ўніверсітэт, а ў кожным райцэнтры - школу альбо гімназію з выкладаннем усіх прадметаў на беларускай мове. Чыноўнік, дэпутат або кіраўнік дзяржавы абавязаны валодаць дзвюма дзяржаўнымі мовамі.
Свабода слова і друку - зняць існуючыя бар'еры для стварэння свабоднай дзейнасці СМІ і журналістаў.
Свабода веравызнання і павага да асобы - забяспечыць раўнапраўе для ўсіх канфесій і нацыянальна-культурных меншасцяў.
Поўны тэкст праграмы чытайце на www.karatkevich.by Калі вы падтрымліваеце мірныя перамены, галасуйце за Таццяну Караткевіч і пералічайце грошы для правядзення агітацыі на рахунак:
КАРАТКЕВІЧ ТАЦЦЯНА МІКАЛАЕЎНА № 3014555500230
УНП 100633430 ААТ "Беларусбанк", Філіял №510, код банка 603
Комментарии
Комментариев пока нет
- Большинство белорусов поддерживают грамотную и дальновидную тактику Путина по предотвращению Югославского, Грузинского, Сирийского сценария на Украине
- Григорий Рапота: «Строительство дома предполагает постоянное решение задач»
- Владимир Путин: отечественная история — это основа нашей национальной идентичности, культурно-исторического кода
- Новогоднее поздравление Президента Российской Федерации В.В.Путина С Новым 2014 годом!
- Новогоднее поздравление Президента Республики Беларусь А.Г.Лукашенко. С Новым 2014 годом!
- Вступительное слово В.В.Путина на совещании по вопросам борьбы с терроризмом
- С. Лавров: в непростых условиях Россия действовала твердо, продуманно и взвешенно
- Русский вопрос: в поисках ответа
- Для чего Россия выделяет Беларуси 2 миллиарда долларов? Интервью с послом России в Беларуси Александром Суриковым
- Выступление В.В.Путина на встрече с разработчиками концепции нового учебно-методического комплекса по отечественной истории
- Белорусский общественник: "Евромайдан" в Белоруссии может случиться после Лукашенко
- Белорусский историк: На Украине происходит не "революция", а национальная катастрофа
- Наследуя традиции армии Советской и армии Русской
- Белорусский общественник: "Бездумные решения готовят почву для "майдана" у нас"
- Лидер немецких левых – Меркель: Определитесь, когда Конституция Украины действует, а когда – нет
- Россию беспокоит «бандеризация» белорусской оппозиции
- В российско-белорусской интеграции всё зависит от нас самих
- Прямая линия с Владимиром Путиным 17 апреля 2014 года
- Когда русские в Белоруссии попросят Путина о защите?
- Поляки за Россию
- Обращение Президента Белоруссии А.Г.Лукашенко с ежегодным Посланием к белорусскому народу и Национальному собранию 22 апреля 2014 года
- Снежана Тодорова: «Возрождение фашизма, наступление бандеровцев пугают болгар»
- Не стоит искать чёрную кошку в тёмной комнате!
- Украинский нацизм - это передовой отряд карателей, которых Запад готовит против России
- Белорусский писатель: Западнорусизм - естественное состояние белорусов
- Заигрывание с киевской хунтой – серьезная ошибка белорусских властей
- Обращение Патриотического общественного объединения «Отечество» к руководству Республики Беларусь
- Нам нужны объединяющие, а не разъединяющие памятники
- Интервью председателя ВОО «Русский дом» А.Е.Геращенко независимой ONLINE газете «Диалог» (текст и видео)
- Интервью Министра иностранных дел Республики Беларусь Владимира Макея информационному агентству «БелаПАН» (9 июня 2014 г.)
- Владимир Путин: мы защитим Русский мир
- Интервью с Александром Синкевичем для Еврорадио
- О георгиевской ленте и чем не угодили Святая Ольга и князь Александр Невский витебским властям?
- Великая война еще ждет своего Льва Толстого
- Интервью заместителя министра иностранных дел России Сергея Рябкова журналу «Международная жизнь»
- Андрей Геращенко: мы, русские, белорусы и украинцы — один народ, но разные его ветви.
- Эксперт: В русском языке не может быть слова «Беларусь»
- Русский мир — это не мир Российской Федерации, это не мир Российской империи. Русский мир — от киевской купели крещения. Русский мир — это и есть особая цивилизация.
- Александр Сергеевич Пушкин. Клеветникам России
|
